ಅಲ್ಪಸಂಖ್ಯಾತ ವರ್ಗದಲ್ಲಿ ಗುರುತಿಸಲು ಮಾನದಂಡವೇನು?

ನಮ್ಮ ದೇಶದಲ್ಲಿ ಕೆಲವೊಂದು ಮತ/ಪಂಗಡಗಳನ್ನು ಅಲ್ಪಸಂಖ್ಯಾತ ವರ್ಗದಲ್ಲಿ ಗುರುತಿಸಿರುವುದು ನಮಗೆಲ್ಲಾ ತಿಳಿದಿರುವ ವಿಷಯವಾಗಿದೆ. ಹೀಗೆ ಈ ವರ್ಗದಲ್ಲಿ ಗುರುತಿಸಿರುವ ಮತ/ಪಂಗಡಗಳ ಜನರಿಗೆ ಸರಕಾರ ವಿಶೇಷ ಸವಲತ್ತುಗಳನ್ನು ನೀಡಿ ಅವರ ಅಭ್ಯುದಯಕ್ಕಾಗಿ ಶ್ರಮಿಸುತ್ತಿದೆ (?). ಸಮಾಜದಲ್ಲಿ ಹಿಂದುಳಿದವರ ಅಭಿವೃದ್ಧಿ ಬಗೆಗಿನ ಕಾಳಜಿಯಿಂದ ಇಂತಹ ಕಾರ್ಯಕ್ರಮಗಳನ್ನು ಆರಂಭಿಸಿದ್ದರೂ ಕಾಲಕ್ರಮೇಣ ಇದು ರಾಜಕೀಯ ಲಾಭದ ವಸ್ತುವಾಗಿ ರುವುದು ದುರಂತ. . ಅಲ್ಲದೆ ಅಲ್ಪಸಂಖ್ಯಾತ ಸ್ಥಾನಮಾನ ನೀಡುವ ಸಂದರ್ಭದಲ್ಲಿ ಇದ್ದ ಸ್ಥಿತಿಗೂ ಈಗಿನ ಸ್ಥಿತಿಗೂ ಅಜಗಜಾಂತರ ವ್ಯತ್ಯಾಸವಿದೆ. ಆದುದರಿಂದ ಸಂಬಂಧಪಟ್ಟ ಇಲಾಖೆಯಿಂದ ಈ ಕೆಳಗಿನ ಪ್ರಶ್ನೆಗಳಿಗೆ ವಿವರಣೆಯನ್ನು ಬಯಸುತ್ತೇನೆ.

• ಯಾವುದೇ ಮತ/ಪಂಗಡವನ್ನು ಅಲ್ಪಸಂಖ್ಯಾತ ವರ್ಗದಲ್ಲಿ ಗುರುತಿಸಲು ಬಳಸಿರುವ ಮಾನದಂಡವೇನು?
• ಬಳಸಿರುವ ಮಾನದಂಡದ ಪರಾಮರ್ಶೆಯನ್ನು ಕಾಲಕಾಲಕ್ಕೆ ಮಾಡಲಾಗುತ್ತಿದೆಯೇ?
• ಈ ಗುರುತಿಸುವಿಕೆ ಜನಸಂಖ್ಯೆಯ ಆಧಾರದಲ್ಲಿ ನಡೆದಿರುವುದೆ? ಹಾಗಾದಲ್ಲಿ ಅಲ್ಪಸಂಖ್ಯಾತ ವರ್ಗದಲ್ಲಿ ಗುರುತಿಸಲು ಇರುವ ಗರಿಷ್ಟ ಶೇಕಡಾವಾರು ಜನಸಂಖ್ಯಾ ಮಿತಿ ಏನು?